एक बृद्धले पेन्सन पाउने उमेरमा नागरिकता पाएका छन ।

बीरगंज २७ बैशाख ।
बीरगंजमा बृद्ध भत्ता खाने उमेरमा लामो संघर्ष पछि एक जनाले नेपाली नागरिकताको प्रमाण पत्र पाएका छन । जिल्ला प्रशासन कार्यालय पर्साबाट बृद्धले बंशजको नागरिकता प्राप्त गरेका हुन ।
बिरगंज महानगर पालिका वडा नम्बर १ निवासी दशरथ गिरि नेपाली नागरिकताको प्रमाणपत्रबाट बन्चित थिए । नेपाली नागरिकता नहुदा उनी नेपाल सरकारबाट पाउने सबै सुबिधाबाट बन्चित थिए । लामो संघर्ष पछी गिरिले जिल्ला प्रशासन कार्यालय पर्साबाट घरमा बसेर पेन्सन खाने उमेरमा नागरिकता पाएका छन । नागरिकतामा उल्लेख भए अनुसार उनको जन्म बिक्रम सम्बत १९९४ साल बैशाख १५ गते भएको थियो जन्म मिति अनुसार उनको उमेर ८७ बर्ष भयो । गिरिले ७० बर्षको उमेरबाट पेन्सन पाउनुपर्ने थियो तर नागरिकता नभएको कारण पेन्सन सहित सम्पुर्ण सरकारी सुबिधाबाट बन्चित थिए । जिल्ला प्रशासन कार्यालय पर्साबाट आज मिति २०८१ साल बैशाख २७ गते ना प्र नम्बर ३४ -०१-८१ -०१०२१ प्राप्त गरेका छन ।
गिरिको पिताको नाम लिलानाथ गिरि उल्लेख छ भने उनलाई जिल्ला प्रशासन कार्यालय पर्साका प्रशासकिय अधिकृत कृष्ण प्रसाद खतिवडाले हस्ताक्षर गरेर नागरिकता दिएका छन ।