६ केजी सुन र ६३ लाख नगदसहित एक भारतीय पक्राउ

कास्की- स्रोत नखुलेको ६ केजी सुन र ६३ लाख ८१ हजार नगदसहित एक भारतीय नागरिकलाई पक्राउ गरेको छ ।प्रहरीले भारतको पश्चिम बङ्गाल मेदिनीपुर घर भई अहिले पोखरा–२, मोहरिया बस्ने सुरजित भौमिकलाई कास्की प्रहरीले पक्राउ गरेको हो ।सोमबार रातिदेखि निगरानी गरिरहेको प्रहरीले ४० वर्षीय भौमिकलाई पक्राउ गरी हिजो साँझ सार्वजनिक गरेको हो । भौमिकको साथबाट ६ केजी ६९ ग्राम सुन, ६ केजी चाँदी र ६२ लाख ८१ लाख नगद बरामद भएको छ ।यसबारे थप अनुसन्धान भइरहेको र आज बिहान सुन, नगदसहित भौमिकलाई राजस्व अनुसन्धान विभागको जिम्मा लगाइने कास्कीका प्रहरी प्रमुख प्रहरी उपरीक्षक मोहनकुमार थापाले जानकारी दिनुभयो ।भौमिकले तीन तले घर भाडामा लिई विभिन्न किसिमका गरगहना तयार गरी बिक्री गर्ने गरेका थिए । भौमिकको साथबाट १३ थान चेकसमेत फेला परेका छन् ।