पर्साका प्रहरी उपरिक्षक कुमाेद ढुङ्गेल र प्रमुख जिल्ला अधिकारी दिनेश सागर भुषालकाे पुतला दहन ।

वीरगंज २२ चैत्र ।
मेयर राजेशमान सिह विरुद्धको जाली नागरिकता र सरकारी कागजात किर्ते मुद्दा प्रहरी प्रशासनले कानुनी प्रकृया अगाडि बढाउन अनाकानी गरेकाे भन्दै नागरिक समाज र राजनैतिक दलले बीरगंजमा आज पर्साका प्रमुख जिल्ला अधिकारी दिनेश सागर भुषाल र प्रहरी प्रमुख प्रहरी उपरीक्षक कुमाेद ढुंगेलकाे प्रति मुर्ति बनाई आगाे लगाई प्रदर्शन गरेका छन ।
वीरगंजकाे मुख्य बजार माईस्थान चाेकमा चक्का जाम गरि नागरिक समाजले पुतला दहन गरेकाे हाे । तीन महिना भन्दा लामाे समयदेखि संघर्षरत नागरिक समाजले प्रहरी प्रशासनकाे काम कार्वाहिमा शंका देखिएकाे हुदा आज जिल्लाका प्रमुखहरु पुतला दहन गरि विराेद्ध जनाएकाे बताएका छन ।
मेयर सिह विरुद्धको मुद्दाको छानबिन गर , दोषी माथी कार्वाही गर , प्रहरी प्रशासन मुर्दाबाद, भ्रष्ट एसपि जिल्ला छाेेड भन्ने नारा लागाउदै प्रदर्शनकारीहरुले बाटाे अवरुद्ध गरि नाराबाजी गर्दै विरोध प्रदर्शन गरेका थिए ।
यथेष्ट प्रमाण हुदाहुदै पनि प्रहरी प्रशासनले मेयर सिह विरुद्धको मुद्दाको छानबिन समेत नगरेको भन्दै प्रदर्शनकारीहरुले आक्रोश ब्यक्त गरेका छन । छानबिन प्रक्रिया सुरु नगरे थप कडा आन्दोलन गर्ने पनि प्रदर्शनकरीहरुले चेतावनी दिएका छन् ।