आजदेखि नयाँ नोट साँट्न शुरु

वीरगंज २९ असाेज । आजबाट नयाँ नोट साट्न शुरु भएको छ। नेपाल राष्ट्र बैंकले दशैं, तिहारलगायत चाडबाडका लागि लक्षित गरेर नयाँ नोट सहटी सुविधा दिएको हो ।
राष्ट्र बैंकले हरेक वर्ष चाडबाडको समयमा नयाँ नोट सटहीको सुविधा दिँदै आएको छ ।
काठमाडौँ उपत्यका भित्रको हकमा राष्ट्र बैंकअन्तर्गतको मुद्रा व्यवस्थापन विभाग र विभिन्न वाणिज्य बैंकहरुका शाखामा नयाँ नोट साट्न पाइनेछ ।
काठमाडौँ उपत्यका बाहिरको हकमा राष्ट्र बैंकको प्रदेशस्थित कार्यालय वा वाणिज्य बैंकका शाखा कार्यालयमा नोट साट्न सकिने राष्ट्र बैंकले जनाएको छ ।
वाणिज्य बैंकहरुले राष्ट्र बैंकबाट त्यस्ता नोट लिएर सटही सुविधा दिइरहेका छन् ।
५, १०, २०, ५० र एक सय रुपैँया दरका नयाँ नोट साट्न पाइनेछ । एक जनालाई बैंकले १८ हजार पाँच सय रुपयाँ बरावरको नयाँ नोट दिने व्यवस्था मिलाएको छ ।