चिकित्सक संघद्वारा आन्दाेलनकाे घाेषना । आकस्मिक सेवा बाहेकका सम्पूर्ण सेवाहरू पूर्ण रूपमा बन्द

वीरगंज ३० भदाै ।
चिकत्सकहरु माथि भएकाे संघातिक आक्रमणकाे विराेध स्वरुप नेपाल चिकित्सक संघले आइतबार देशभरका स्वास्थ्य संस्थाहरूमा आकस्मिक सेवा बाहेकका सम्पूर्ण सेवाहरू पूर्ण रूपमा बन्द गर्ने घोषणा गरेको छ।
शनिबार साँझ संघले एक विज्ञप्ति जारी गर्दै आफूहरूले दिएको अल्टिमेटममा माग पूरा नभएको भन्दै आन्दोलनका कार्यक्रमहरूको घोषणा गरेको हो। गत बुधबार हेटौंडाको सञ्चो अस्पतालमा कार्यरत डा. विकास थापा र डा. प्रशान्त विडारीमाथि बिरामीका आफन्तहरूबाट भएको कुटपिटको घटनामा संलग्नहरूलाई पक्राउ गरी कारबाही गर्न माग गरेको थियो।
मकवानपुरको हेटौँडास्थित सन्चो अस्पतालमा दुई चिकित्सकमाथि आक्रमण गरिएको विरोधमा आन्दोलन थालिएको संघले जनाएको छ ।
भदाै २७ गते दाेषिलाई कार्यवाहि गर्नका लागि ७२ घण्टे अल्टिमेटम दिए तापनि प्रहरी प्रशासनले कार्यवाहि नगरेकाे भन्दै आईतबार स्वास्थ्य सेवा अवरुद्घ गरेकाे चिकित्सक संघले जनाएकाे छ ।