मुसहर्वा नाका भएर खुल्लमखुल्ला तस्करी हुदै

बिरगंज २८ भदौ
बाराको मुसहर्वा नाका अहिले तस्करहरुको लागी सुनौलो अवसर बनेको छ । मुसहर्वा नाका भएर खुल्लमखुल्ला तस्करी गर्न पाइरहेका छन ।
मुसहर्वा नाका पर्सा र बाराको सिमानामा पर्छ । सिमा प्रहरी चौकिमा वरिष्ठ प्रहरी नायब निरीक्षक बसन्त थापा कार्यरत छन । सो नाकामा थापा गएदेखि तस्करीको लाइन खुलेको हो । सिमापार भारतिय शहर रक्सौलबाट ल्याएको तस्करीको मालसामान मुसर्वा नाका भएर नेपाल तर्फ भित्रने गरेको छ । बरिष्ठ प्रसनि थापा आफै सक्रिय भएर तस्करीको लाइन दिने गरेका छन । सो नाका भएर लत्ताकपडा ,खाध्यन्न ,सुर्तीजन्य पदार्थ ,मोटर पार्ट ,निर्माण सामाग्री खसी बाेका ठुलो पारिमाणकाे नेपाल तर्फ भित्रने गरेको छ भने नेपाल बाट मदिरा ,कवाडीका सामानहरु भारत तर्फ चोरी निकासी हुने गरेको छ । वरिष्ठ प्रसनि थापा लामो समय देखी बारा पर्साको सिमाबर्ति प्रहरी चौकिमा बसेको कारण ठुलो सानो सबै खाले तस्करहरु सङ्ग राम्रो चिनजान र उठबस छ ।
जस्ले गर्दा तस्करहरुले सिधै थापा सङ्ग सम्पर्क गरेर सेटिङ मिलाउछन । मुसहर्वा नाका अहिले तस्करहरुको लागी तस्करी गर्ने सुबर्ण अबसर बनेको छ । पर्साको बिभिन्न नाकाबाट तस्करी गर्दै आएका तस्करहरुले पनि मुसहर्वा नाका भएर तस्करी गर्न थालेका छन । एक तस्करको भनाई अनुसार पर्सामा भन्दा बारामा प्रहरी प्रशासन मिलाउन सजिलो र सस्तो पर्छ । होहल्ला पनिहुदैन दिनरात माल ओसार्न पाइन्छ ।