नेपालमा पहिलो महिला प्रधानमन्त्री : सुशीला कार्कीले शपथ ग्रहण गरिन् ।

काठमाडौं २७ भदाै ।
नेपालमा पहिलोपटक महिला प्रधानमन्त्री नियुक्त भएकी सुशीला कार्कीले शुक्रबार पद तथा गोपनीयताको शपथ ग्रहण गरेकी छन् । उनी देशको ४२औँ प्रधानमन्त्री बनेकी हुन् ।
राष्ट्रपति रामचन्द्र पौडेलले शीतल निवासमा आयोजित समारोहमा कार्कीलाई पद तथा गोपनीयताको शपथ गराएका थिए । कार्कीको शपथग्रहण कार्यक्रममा सरकारका उच्च अधिकारी, राजनीतिक दलका शीर्ष नेताहरु र संवैधानिक निकायका प्रमुखहरुको उपस्थिति थियो ।
पूर्व प्रधानन्यायाधीश समेत रहेकी सुशीला कार्की प्रधानमन्त्री पदमा नियुक्त भएसँगै नेपालको इतिहासमा पहिलो महिला कार्यकारी प्रमुख बन्ने गौरव हासिल गरेकी छन् ।